De organisatie van de Waeke van het ‘Achterhookse en Liemerse Book’ is weer op zuuk naor mooie streektaalschriefsels. De mooisten wordt publiceerd in Flonkergood, ‘t kadobuukske da’j in de Waeke, begin meert 2027, gratis kriegt biej ankoop van ‘n streek(taal)boek.
De Flonkergood 2027 hef as thema ’t Kon minder met-ekregen. Zit relativeren oe in ‘t bloed of he’j door juust ‘n bloedhaekel an? Bun iej iemand dén ‘t aegen succes nuchter afdut met ‘n paar woorden of hol iej neet op met pochen? ‘t Kon minder, dat zeg ok iets aover verwachting en risseltaot. ‘t Thema kan van völle kanten belicht wodden.
Insturen van verhalen en gedichten kan töt 31 oktober 2026. De beste verhalen wordt eplaatst in Flonkergood 2027. ‘n Antal auteurs wordt uut-eneudegd um eur verhaal veur te dragen tiedens de aftrap van de ‘Waeke van het Achterhookse en Liemerse book’, begin meert 2027.
De verhalen en gedichten, in de Achterhookse of Liemerse streektaal, könt töt 31 oktober 2026 wodden in-estuurd.
’t Volledege reglement en meer informatie vin i-j op de website van ECAL.
